Ózbekstan Respublikası mámleketlik gerbi
Ózbekstan Respublikasınıń mámleketlik gerbi — Ózbekstan Respublikası rásmiy mámleketlik nıshanı. 1992-jıl 2-iyulda qabıl etilgen. Mámleketlik gerb — mámleket ǵárezsizliginiń nishanlarınan biri bolıp tabıladı.
Kórinisi
redaktorlawMámleket gerbi domaloq kóriniske iye bolıp, bul formanıń shep tárepi ırısqı-nesiybe tımsalı — biyday masaqlarınan, oń tárepi bolsa ózbek xalqınıń dańqın dúnyaǵa taratgan biybaha baylıǵımız — paxtanıń ǵórekleri ashılǵan ǵoza shaqalarınan ibarat lentaǵa oralǵan. Uzaqtaǵı tawlar hám dáryalar tábiyat kórinisinde gúllegen oypatlıq boylap quyash nurların shashıp turadı, bul bolsa Ózbekstannıń quyashlı mámleket ekenligin de ańlatadı. Gerbtiń joqarı bóleginde Ózbekstan azatlıǵınıń tımsalı retinde segizmúyeshlik kórinisindegi juldız, onıń ishki bóleginde yarım ay hám juldız súwretlenip, mámleket xalqınıń kóp bólegi islam dinine sıyınıwı, orayında — baxıt hám erkinlik tımsalı— qanatların jayǵan Qumay qusı súwretlengen. Gerbtiń tómengi bóleginde Ózbekstan Respublikası mámleket bayraǵın ańlatıwshı lentaǵa „Ózbekstan“ dep jazılǵan[1].