Ápiwayı topgúller

Ápiwayı topgúller. Solqım (shashaq) topgúlde gúller uzın gúlpaqalda gúlbaldaǵı járdeminde izbe-iz jaylasadı. Mısalı, kapusta, qurtdana, shopanqalta, rediska sıyaqlı ósimlikler solqım (shashaq) topgúlin payda etedi. Zubturum (qozıqulaq)nıń mayda gúlleri uzın topgúl kósherinde baldaqsız jaylasadı. Bunday topgúl ápiwayı masaq dep ataladı. Alma, almurt, shiye, qáreliniń topgúli ápiwayı qalqan tárizli boladı. Olarda hár qıylı uzınlıqtaǵı baldaqlı gúller kelte topgúl kósherinde izbe-iz jaylasadı. Bul gúllerdiń ústińgi bólimi bir qıylı tegislikte jaylasadı. Gúl kósherdiń tómengi bólimindegi gúllerdiń baldaǵı joqarıdaǵılarǵa qaraǵanda uzınıraq.