Balalar qosıqları

Balalar qosıqları - Qaraqalpaq xalıq qosıqlarının' belgili bir tu'rin balalar qosıqları quraydı. Balalar qosıqları bul balalar o'zleri aytatug'ın qosıqlar. Bul qosıqlardın' oyın menen, sawal-juwap penen baylanıslı keletug'ının atap o'tiw kerek. Balalar qosıqlarında balalardın' dunya tanıwı, orap alg'an ortalıqqa qatnası. Sulıwlıq haqqında oyları, qosıqtı oyın menen baylanıstırıwları ayqın ko'rinip turadı. Balalar qosıqlarının' o'zgesheliklerin kirigizip N.Da'wqaraev bılay dep jazadı: "Ol o'zgeshelikler en' aldı menen ja'ma'a't bolıp aytıladı. Ekinshiden qosıq tu'rin xalıq oyınların oynag'an waqıtlarda aralas aytıladı, u'shinshiden sawal juwap retinde aytıladı".

Balalar arasında jiye aytılatug'ın "Tu'lkishek", "A'welemen-du'welemen", "Ha'kke qayda", "Ayqulash" qosıqların keltirip o'tiwge boladı. Mısalı:

Tu'lki - tu'lki, tu'lkishek,
Tu'nde qayda barasan',
Mamamnın' u'yine baraman,
Maman' sag'an ne berer?
Eshki sawıp su't berer...