Braziliya Qubla Amerikada jaylasqan mámleket. Ol maydanınıń úlkenligi boyınsha dúnyanıń besinshi mámleketi. Xalqı sanı 186 million adam. Braziliya xalqınıń kópshiligi Portugal tilinde sóyleydi. Brazilyanıń paytaxtı 1957-1960-jılları jobalastırılgan hám salınǵan Brazilia qalası. Mámlekette jaylasqan San Paulo qalası úlkenligi boyınsha dúnyada tórtinshi orındı iyeleydi.

Geografiyası redaktorlaw

 

Braziliyada dúnyanıń eń úlken toǵayı Amazon toǵayı jaylasqan. Ol mámleket jer maydanınıń 40%in quraydı. Braziliyada basqa jer túrleri de bar; cerradó' atalǵan tegislik jeri; caatinga atalǵan qurǵaq ósimlik jeri bar.

Braziliya futbolı jánede tereń, ózgeshe mádeniyatı (basqa mámleket adamlarınıń tásiri tiygen) hám rawajlanıwshı ekonomikası menen belgili. Braziliya Qubla Amerikadaǵı eń úlken mámleket. Braziliya maydanınıń úlkenligi boyınsha dúnyada besinshi orındı iyeleydi. Ol óziniń kóplegen ıǵal toǵayları hám djunglileri menen belgili. Ol Gayana, Surinam, Fransiya Guianası, Venesuela, Kolumbiya, Peru, Boliviya, Paraguay, Argentina hám Uruguaylar menen qońsılas, yaǵnıy Qubla Amerikadaǵı Chili hám Ekvadordan basqa hár bir mámleket penen shegaralas.