Adam Smith: Ózgerisler arasındaǵı ayırmashılıq

Content deleted Content added
Bakhit (talqılaw | úlesi)
Өңдеу түйіні жоқ
Өңдеу түйіні жоқ
Qatar No 12:
 
===Bilim aliwi===
Smit on to'rt jasinda Glazgo Universitetine oqiwg'a kirdi ha'm Francis Hatcheson qol astinda moral filosofiyasin u'yrendi. Bul jerde ol erkinlik, oylaw, tu'siniw ha'm juwmaq shig'ariw, sonday-aq erkin pikirge qizig'iwshilig'in rawajlandirdi. 1740 jili, Smitke Snell Ekzibishion granti berildi ham' ol Glazgo Universitetinen Oksford Universitetinin' Balliol Kolledjine oqiwg'a ketti.
 
Smit Glazgoda oqitiw Oksfordqa salistirg'anda bir qansha joqari dep esapladi, ha'm oz'inin' ta'jiriybesin aqiliy qisiliw dep tapti. "Xaliqlar baylig'i"nin' V-Kitabi II-Babinda Smit: "Oksford Universitetinde ja'miyetlik professorlardin' ko'pshiligi ko'plegen jillar dawaminda uliwma oqitip atirg'anday bolip ko'riniwdi de toqtatqan" dep jazdi. Sonday-aq jaziliwinsha Smit doslarina bir ma'rte Oksford ra'smiy xizmetkerlerin' onin' David Humenin' "Adam Ta'biyatinin' Traktati" oqip atirg'anin bilip qalip, keyin kitapti tartip alip oni qatal jazalag'anin aytip bergen. William Robert Scott "[Smittin'] Oksford waqti onin' o'mirlik isine azg'ana ja'rdem berdi, eger uliwma bergen bolsa" dep jazdi. Sog'an qaramastan, Smit Oksfordta waqtinda Universitettin' u'lken kitapxanasinan o'zin bir neshe pa'nler boyinsha oqitiwg'a kitaplar alip oqiw imkaniyatina iye boldi. Onin' xatlarinda jaziwinsha o'z aldina oqimag'an paytlarinda ol baxitsiz edi. Oksforda waqtinin' aqirinda Adam Smit nerv keselliginin' simptomlarin bastan keshirdi. Ol 1746 jili granti tamamlanbastan burin Oksfordtan ketti.
 
"Xaliqlar baylig'i"nin' V-Kitabinda Smit Angliya universitetlerinde Shotlandiya universitetlerine salistirg'anda oqitiw ha'm ilimiy isler to'men sipatli ekenin jazdi. Ol buni 2 sebep penen tu'siniw mu'mkin dep jazdi. Birinshi, Oksford ha'm Kembridj kolledjlerinin' baylig'i ha'm professorlardin' aylig'inin' studentlerdi o'zlerine tartiw uqibinan g'a'rezsizligi; ekinshi, ilimiy jetekshiler Angliya Shirkewinde islese de jaqsi jasawi mu'mkinligi dep ko'rsetti. Smit basinda teologiya (din taniw)ni u'yreniwdi ha'm shirkewde islewdi niyet qilg'an edi, lekin onin' keyingi oqiwlari, atap aytqanda David Humenin' skeptik jumislarin oqiwi oni basqa joldi tan'lawina isendirdi.