Shamuratovlar úy-muzeyi
Shamuratovlar úy-muzeyi — 1999-jıl (ayırı dereklerde 1998-jıl)da Qaraqalpaqstan Respublikasınıń Nókis qalasında ashılǵan úy-muzey. Ámet hám Ayımxan Shamuratovalardıń jeke úy-muzeyi sıpatında ashılǵan muzeyde olardıń iskerligi menen baylanıslı qmbat eksponatlar saqlanadı. Úy-muzeyge Ámet hám Ayımxan Shamuratovalardıń qızı Ayımgúl Shamuratova basshıılıq qılıp keledi[1][2].
Ashılıw tariyxı hám iskerligi redaktorlaw
1993-jılda Ayımxan Shamuratova qaytıs bolǵan keyin onıń perzentleri úy-muzey ashıwǵa qarar etken. Qaraqalpaqstan Avtanom Respublikası húkimeti basshılarınan biri bolǵan Ubbiniyaz Ashirbekov tárepinen 12 sotix jer úy-muzey qurılısı ushın ajıratılǵan. Qurılıs jumıslarına Shamuratovlardıń kúyewi Tawbaldiev Sultamurat basshılıq etken. Shamuratovtıń úy-muzeyi qurılısında Sultamurat Tawbaldievtıń miynetin sáwlelengen bólek hújjetli film de súwretke alınǵan hám „Táǵdir sınaqları“ atlı dóretpe de jazılǵan. Dóretpe 2012-jılı Tashkentte basıp shıǵarılǵan.[3].
Menshik úy-muzeyi 1999 -jılı ashılǵan bolıp, Ámet Shamuratov (1912—1953) — shayır, jazıwshı hám dramaturg edi. Zayıbı Ayımxan Shamuratova (1917—1993) xalıq artisti ataǵın alǵan hám Qaraqalpaqstan tariyxında teatr saxnasına shıqqan birinshi hayal artistlerden biri bolǵan. Bul shaxslar XX ásir qaraqalpaq mádeniyatınıń rawajlanıwında zárúrli orın tutadı.
Muzey kolleksiyasında juplıqtıń menshikleri, atap aytqanda : fotosúwretler, saxna lipasları, kitapları, qoljazbalar hám olardıń iskerligine tiyisli buyımlar saqlanadı. Muzeyde ataqlı súwretshiler: Madgazin, Matevosyan, Berdimuratovlar hám basqalardıń dóretpeleri de ámeldegi bolıp, bunnan tısqarı Qaraqalpaqstanlıq ataqlı jazıwshıları, artist hám mámleket ǵayratkerleriniń fotohújjetleri da saqlanadı. Sonıń menen birge, muzeyde Ayımxan Shamuratova tárepinen atqarılǵan qosıqlardı tıńlaw múmkinshiligi de jolǵa qoyılǵan.
2019-jılda Shamuratovlar úy-muzeyi ashılǵanlıǵınıń 20 jıllıǵı keń nıshanlanǵan[4].
Derekler redaktorlaw
- ↑ uza.uz „Taniqli ijodkorlar xotirasiga bagʻishlandi“ (uz) (23-noyabr 2022-jıl). Qaraldı: 28-oktyabr 2023-jıl.
- ↑ „Qaraqalpaqstan Respublikasi'ni'n' ma'mleketlik hu'kimet portali'“. Qaraldı: 28-oktyabr 2023-jıl.
- ↑ „Презентация на тему: "ÒZBEKSTAN MAMLEKETLIK KORKEM ÒNER HÀM MÀDENIYAT INSTITUTI NÒKIS FILIALI MÁDENIYAT HÁM KÒRKEM ÒNER MEKEMELERIN SHÒLKEMLESTIRIW HÀM BASQARIW QÀNIYGELIGI.". Скачать бесплатно и без регистрации.“ (ru). Qaraldı: 28-oktyabr 2023-jıl.
- ↑ „Amet ha’m Ayimxan Shamuratovlar uy-muzeyi 20-jilligi“. Qaraldı: 28-oktyabr 2023-jıl.